FAX: 703 208 0589

ITANGAZO 003/2001 KW’IHOHOTERWA RY’UWAHOZE AR UMUKURU W’IGIHUGU PASTEUR BIZIMUNGU

ARENA nk’ishyaka rigamije kubogora ubumwe bw’abanyarwanda no kubaka igihugu kigendera ku mategeko, iramenyesha abanyarwandan’abanyamahanga icyo itekereza kw’ihohoterwa ry’uwahoze ari umukuru w’i gihugu Nyakubahwa Pasteur Bizimungu, kubera ko yaragiyegushyira ahagaragara ishyaka rya politike. Iryo hohoterwa rirakorwa n’ ubutegetsi bwa Nyakubahwa Paul Kagame.

Kuwa gatatu taliki ya 30 Gicurasi 2001, abashinzwe umutekano boherejwe na Perezida Paul Kagamebabujije Nyakubahwa Pasteur Bizimungu kugirana ikiganiro, mu mutuzo ,na Ambasaderi w’Ububiligi mu Rwanda, bamubuza kwakira abanyamakuru iwe mu rugo ndetsebamubuza no kuhasohoka. Guhohoterwa byarakomeje kugeza aho bamwirukana bitunguranye kandi ku ngufu, mw’icumbi yararimo, kumwambura ibyagenerwank’uwahoze ari umukuru w’igihugu, ndetse no kumuharabika bikabije we na bagenzi be.

ARENA yamaganye ikomeje ibyo bikorwa biteye ukubiri nademokarasi, kandi by’agasuzuguro, ibikorwa bibangamiye ubwisanzure n’uburenganzira bw’ikiremwa muntu bwibanze, bigirirwa uwahoze ari umukuruw’Igihugu. Ibi bikorwa byongeye gushyira ahagaragara umugambi wa Perezida Paul Kagame wo kubuza abanyarwanda gutanga ibitekerezo bya politike binyuranyen’ibye. Biragaragaza uburyo amagambo meza y’ubutegetsi bwa Perezida Paul Kagame atandukanye cyane n’ibikorwa.

Guhohotera abatavuga rumwe n’ubutegetsi ni igikorwa kigayitse, cyane cyane iyo bigirirwauwahoze ari umukuru w’Igihugu, wari ukwiye ahubwo icyubahiro n’ ishimwe kubera imirimo ikomeye yakoreye igihugu cye. ARENA isanga umuco wo kubaha nokubahiriza abahoze ari abakuru b’Igihugu wagirira igihugu akamaro mu rwego rw’imico myiza no mu rwego rw’isimburana k’ ubutegetsi mumahoro.

Perezida PasteurBizimungu nabo bafatanije ntagikorwa na kimwe kinyuranyije n’amategeko bakoze. Gushinga imitwe ya politike mu Rwanda byemewe n’itegeko shingiro uRwanda rugenderaho, kandi ntibinyuranye n‘itegeko rigenga amashyaka. Ishingwa ry’amashyaka hirya no hino, haba imbere mu gihugu cyangwa hanzey’igihugu, ntakindi byerekana uretse ubushake bw’ Abanyarwanda bwo kubaho mu bwisanzure kandi ko barambiwe ubutegetsi bw’iterabwobabushingiye ku muntu umwe ugiye koreka igihugu, ariwe Perezida Paul Kagame.

Birabaje koPerezida Paul Kagame n’Umuryango ayoboye FPR, batabona ko igihe cy’ishyaka rimwe cyarangiye kandi ko gukomeza kuburizamo ubwisanzure bwa politikebikomeza kuyoyora ikizere gike ubutegetsi busigaranye.

ARENA ifite impungenge ko gukomezaguhohotera abatavuga rumwe na guverinoma, gukomeza kuniga amashyaka menshi no kutubahiriza uburenganzira bw’ikiremwa muntu mu Rwanda, birushaho kongeraabanyarwanda bahunga kubera ubwoba . Dufite impungenge kandi ko gukomeza gukandamiza Abanyarwanda, bishobora gutuma amaraso yongera kumeneka mu gihugu.

ARENA ihamagariye Perezida Paul Kagame kubungabunga umutekano w’uwahoze ari umukuru w’igihugu, Nyakubahwa Pasteur Bizimungu nabo bafatanije kandiagasubizwa icyubahiro cye n’ibindi byose agenerwa kubera u rwego arimo. Turasaba dukomeje Perezida Paul Kagame kureka amashyaka agakora nta mananiza, ntano guca iruhande kandi akarekera abanyarwanda uburenganzira n’ubwisanzure bwo gutanga ibitekerezo byabo kuko niyo nzira yo nyine yo kwirinda umwiryanen’intambara. Dusanga kugirana ibiganiro n’imitwe ya politike bishobora gutuma tubona inzira y’amashyaka menshi iberanye n’Rwandakandi ko byatuma abanyarwanda bakoresha ingufu zabo mu gushaka amahoro n’iterambere aho kuzikoresha mu makimbirane.

ARENA irahamagarira amahanga gukurikirira hafi ibintu bibi bibera mu Rwanda, kandi bishoborakongera kurushyira mu kaga. Amahanga akwiye gufasha abanyarwanda kumvisha Perezida Paul Kagame kwemera imikorere y’amashyaka menshi no kubahirizauburenganzira bw’ikiremwamuntu ku girango birinde abanyarwanda amakimbirane n’imeneka ry’amaraso mu Rwanda.

ARENA yongeyekwibutsa ko ikomeye kw’ihame ryo gukemura amakimbirane hakoreshejwe inzira y‘amahoro n‘ubworoherane. ARENA ihamagariye abanyarwandabose, cyane cyane abari mu mitwe ya politike, kudacika intege ahubwo ko bashyira hamwe ingufu zabo bagaharanira demokarasi n’ubwiyungebw’abanyarwanda . ARENA ntizatezuka ku ntego yayo yo kubogora ubumwe bw’abanyarwanda no kubaka i gihugu kigendera ku mategeko.

Bikorewe Sacramento, taliki ya 3 Kamena 2001

Komite mpuzabikorwa

Kimenyi Alexandre